Napasuliaq alapernaarsuiffik nalliuttorsiorpoq

Upperisarsioqatigiit Jehovat nalunaajaasuisa atuagassiaa, Napasuliaq Alapernaarsuiffik, kalaallisut allataalluni saqqummersinneqarnertarnermini ukioq-manna ukiunik 40-nngortorsiorpoq. Upperisarsioqatigiit Jehovat tusagassiuutinut nalunaaruteqarlutik taama allapput.
Allattoq Jaaku Lyberth
januaarip 09-at 2013 08:44

Atuagassiaq saqqummersinneqaqqaartaleramili Kalaallit Nunaanni tamarmi atuartartorpassuaqarpoq. Atuagassiap Napasuliap Alapernaarsiuffiup saniatigut upperisarsioqatigiit Jehovap Nalunaajaasui atuakkanik atuagassianillu arlalinnik saqqummersitsinikuupput.

Soorlu atuagassiaq Iteritsi 1992-imiit 2003-ip tungaanut saqqummersinneqartarpoq, taanna kalaallit qallunaallu namminneq kajumissutsiminnik akissarsiaqaratillu  saqqummersittarpaat, kalaallillu oqaasiinut nutsertittarlugu.

- Kalaallisuunngortitat paasiuminartuunissaat nutsiinnagaarpalunnginnissaallu anguniarneqartarpoq, atuagassiat saqqummersinneqartarnerinut atatilllugu Jehovap nalunaajaasui allapput.

Upperisarsioqatigiit Jehovap nalunaajaasui 1950-ikkut qiteqqunneranniilli Nunatsinnut pipput.

Atuagassiaq Napasuliaq Alapernaarsuiffik qaammatit tamaasa 2.300-inngorlugu saqqummersinneqartarpoq.

Taassuminnga atuartartut ilaannaat tassaasimassapput Jehovap Nalunaajaasui, maanimi nunatsinni Jehovap Nalunaajaasui 150-it missaaniimmata, tusagassiuutinut nalunaarummi allapput.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq