Napaattooq akiliinianngikkallarpoq
Aalisarnermut naalakkersuisuusimasoq Rasmus Frederiksen aalajangerpoq akiligassaminik 31.000 koruuninik landskarsimut utertitsiniarluni.
Naalakkersuisuni ilaasortaaqatigisimasaa Jens Napaattooq, 470.000 koruuninik missaanni Naalakkersuisunit akiligassaqarnerarneqartoq akiliinianngikkarpoq.
Politiit paasiniaasartuisa Namminersornerullutik Oqartussat namminerlu eqqartuussissuserisumi misissuinerminnik naammissininnissaat Jens Napaattuup utaqeqqaarusuppaa, suliallu sumut killinnera pillugu juunip qeqqata missaani ilisimatitsinisoqarnissaa politiinit ilisimagineqarpoq.
Radioaviisip Nuullu TV-iata siorna 2005-mi suleqatigiillutik paasiniaanerminni paasivaat Jens Napaattooq Ineqarnermut Attaveqarnermullu naalakkersuisuunermi nalaani aningaasanik ilassinnissutissanik atuiavallaarsimasoq.
Jens Napaattooq naalakkersuisuunermi nalaani ilassinnissutissat aningaasartaat atorlugit ilaquttani nereqatigisarsimavai, ilaatigullu Københavnimi imerniartarfimmi atisaajartunik takutitsiviusartumi aamma imigassarsissutigisimallugit.
