NAPA nutaamik pisortaqalissaaq

Leise Johnsen danskiuvoq eskimologitullu ilinniarsimalluni, Kalaallit Nunaanni kulturikkut suliniutit arlallit peqataaffigisareerpai, soorlu nunaqarfiup Kulusuup ukiunik 100-nngortorsiorneranut atatillugu meeqqat eqqumiitsuliornermik sammisaqartinneqarnerat peqataaffigisimallugu.

Kalaallit Nunaanni piorsarsimassutsip assigiinngisitaartup siaruartinnissaa, Leise Johnsenip anguniagaasa ilagivaat:

- Nunattalu pisuussutai kusanartut takutinneqassappata Kalaallit Nunaat imminut nittarsaannerusariaqarpoq, taamaasiorneq nutaamik eqqaarsarnissamut ineriartornissamullu tunngavissiissaaq, Leise Johnsen atorfinitsitaanerminut atatillugu taama oqarpoq.

Anders Berndtson, Ålandimiu, NAPA-mi ukiut arfineq-pingasuni kingullerni pisortaavoq.

Nunani Aavannarlerni Naalakkersuisut Siunnersuisoqatigiit piumasaqataat naapertorlugit NAPA-mi pisortatut atorfik, sivisunerpaamik ukiuni arfineq-pingasuni tigummineqarsinnaavoq. Tamannalu Anders Berndtsonip tunuarneranut peqqutaavoq.

Nunat Avannarliit Piorsarsimassutsikkut Attaveqaataat, Nunani Avannarlerni Naalakkersuisut siunnersuisoqatigiit ataanni kulturikkut immikkoortortaqarfiuvoq, Kalaallit Nunaannilu mikkoortoqarfik 1987-imi pilersinneqarpoq.