Nanuaraq toqunneqassaaq
Nanuaraq Pituffimmi eqqaavissuup eqqaani inuulersimasoq København-imi uumasuusivissuup soqutigilersimagaluarpaa.
Pituffimmi sulisut ilaata nannup toqutaanissaa nalligilerlugu uumasuusivissuarmut sianersimavoq oqaluttuaralugulu nanuaraq toqutaasussanngortoq.
Uumasuusivissuulli nanoq pissaguniuk Namminersornerullutik Oqartussanut qinnuteqaatigisussaavaa, Namminersornerullutilli Oqartussat tamanna itigartitsissutigivaat.
Aalisarnermut Piniarnermullu Pisortaqarfimmi pisortaq Amalie Jessen oqarpoq, biologit malillugit uumasut nujuartat uumasuusivinni inuulersinnaanngimmata itigartitsissutigisimallugu. Kiisalu maleruagassat malillugit nanuaqqat nunatsinniittut anninneqarsinnaanngitsut.
Nannup toqunneqarnissaanut aalajangiineq naalakkersuisut siulittaasorigallagaa Hans Enoksen-i isumasioqatigereerlugu aamma aalajangerneqarpoq.
Nanuaraq inunnut ulorianarsinnaammat toqunneqassaaq, tamannalu ulluni qaninnerni pissaaq.