Nanu nallorissorsuuvoq

aggustip 12-at 2005 16:17

Nannut nallorissorsuupput, tamannalu uppernarsineqarpoq, ilisimatuut Norgemi issittoq pillugu ilisimatusarfimmeersut nassitsissummik nannumut ikkussigallarnerisigut.

Nanu qaammataasat atorlugit malittarineqarmat paasineqarpoq, ullormut ikinnerpaamik 74 kilometerit nalussimasoq, imaassinnaavorlu 100 kilometerit tungaannut ingerlaarsimasoq.

Nannut ukiumut tusind kilometererpassuit nerisassarsiorlutik ingerlaartarput, ilisimatuulli nalornissutigisimavaat, qanoq nalussinnaatiginersut qanorlu sivisutigisumik ilulissani ingerlaartuni qaqisimallutik angalasarnersut.

Nanu arnaviaq Svalbardip kitaanit kangianut juulip 20-ani ulloq unnuarlu atorlugit 100 kilometerit tungaannut nalulluni ingerlaarsimasoq paasineqarpoq.