Nanu Meeqqat aningaasanik katersuiniarnera iluatsilluartoq
Angerlarsimaffinni timikkut persuttaasarneq akiorniarlugu nuna tamakkerlugu suliniut "Nilliasa" mik taaguteqartinneqartoq TV-ikut aningaasanik katersuniarnermi pingaarnerutinneqarpoq, tassani meeqqat angerlasimaffinni timikkut persutaanermik misigisaqarsimasut imaluunnit takunnissimasut pillugit paasisitsiniaaneq Nilliasa mi aallarnisarneqassaaq.
- Aningaasat 750.000 kr katersorneqarput, TVikkullu katersuiniarneq naammassimmat aningaasat katersorneqartut tamakkerlugit aningaaseriviup naatsorsorlugit naammassinngilai, aningaasat katersorneqartut kisinneqarnerat ataasinngorpat naammissineqarnissaat suliniaqatigiiffiup Nanu meeqqat siulilttaasuata Krissie Winberg-ip naatsorsoortigaa.
Aaqqiissuussinermi tapersuisut tamaasa siulittaasup qutsavigai
- Attortinnartorujussuuvoq taama annertutigisumik tapersersorneqaratta, Krisie Winberg oqarpoq.
- Aningaasat katersorneqartut Nanu Meeqqat ukiuni tulliuttuni marlunni sulinissaanut qulakkeerinnipput - taamaattumik aningaasanik katersuiniarnermi tapersersuisut tamarluinnarmik immikkut ittumik iliiuuseqarmata tamanna eqqaamasariaqarpaat, Krissie Winberg oqarpoq, taassuma qilanaarivaa katersuiniarnermi aningaasat isertinneqartut tamakkiisut ataasinngorpat paasinissai.