Nanortallip eqqaani inaaallagissiorfiliarnissaq oqallisaaqqilerpoq

Tasiisaarsimmi Nanortallip eqqaaniittumi erngup nukinganik innaallagissiorfiliornissamik pilersaarutaasimasut uterfigineqarsinnaapput. Attaveqaqatigiinnermut naalakkersuisoq Jens B. Frederiksen inatsisartuni ilaasortamut Debora Kleistimut akissummini allappoq.
januaarip 15-at 2010 15:42

Nukissiuuteqarneq pillugu nuna tamakkerlugu pilersaarummit pilersaarut taanna 1987-imi peerneqartoq Jens B. Frederiksenip ilisimatitsissutigaa, illoqarfiit taamani uuliamik atuinerpaasut Nuuk, Sisimiut, Ilulissat Paamiullu salliutinneqartussaammata. Erngup nukinganik sanaartornissamut siunnersuut 2010-miit 2013-imut tunngasoq suliarineqarmat Nanortalimmi erngup nukinganik nukissiorfiliornissaq ilaalersinneqaqqilerpoq.

Suliffeqarfiup Nalunami Kuultisiortitsisup peqataanissani soqutigissappagu Tasiisaarsimmi erngup nukinganik nukissiorfiliornissap siuaallatsinneqarnissaa, Naalakkersuisut pimoorullugu misissuiffigisinnaagaat Jens B. Frederiksen Debora Kleistimut akissummini allappoq.