Nanortalimmi arnaq 51-nik angullu 52-inillu ukiulik arfinginngormalli tammaaneqalersut ullumikkut politiinit aamma ujaarineqaraluarput iluatsinngitsumilli.
Ujaarineqartut arfininngormat Narsarmiiniit Nanortaliliarniarlutik aallarsimapput, angallallu 16 fods-eq ammaannartoq atorsimavaat. Tammaaneqartut VHF raatiumik nassataaqarsimanngillat, annanniutaasinnaasunillu allanik aamma nassataaqarsimanatik.
Nuummi politiit nalunaarput Nanortalimmi politiit angallatit qulimiguulillu atorlugit ujaasinertik ingerlassimagaluaraat, maannali ujaasineq unitsiinnarneqartoq, ujaarineqartullu ajunaarsimanissaat ilimagineqartoq Nuummi politiit nalunaarput.