Nanortalimmi innuttaasut angutip sumiiffigisinnaasaannut, soorlu quini naqqup iluinilu ujaaseqataaqqullugit politiinit kaammattorneqarput.Assi: KNR

Nanortalimmi politiit angut ujaarigaat

Ananianguaq Jakobsen maqaasineqartutut Nanortalimmi nalunaarutigineqarpoq. Kingullermik takuneqarami qaqqap ingerlasimavoq.

Angut 45-nik ukiulik, Nanortalimmi najugaqarfimminit pingasunngornermi juunip ulluisa pingajuanni ualikkut nalunaaqutaq marlunut qiteqqunnerata missaani ingerlasoq kingullermik takuneqartoq politiit ujaarivaat.

Taartunik atukkersorsimavoq qaqqallu tungaanut ingerlasimalluni.

Angutip ujaarineqartup ingerlannginnermini qanigisaminut oqaatigisimavaa nikallungalluni.

Nanortalimmi innuttaasut angutip sumiiffigisinnaasaannut, soorlu quini naqqup iluinilu ujaaseqataaqqullugit politiinit kaammattorneqarput.

Assi: Ananiannguaq Jakobsen

Angummut ilisaarnaatit tassaapput:

- Kalaaleq Ananiannguaq Jakobsenimik atilik

- 170-175 cm missaanni angitigisoq tuaganilu nerinnanngitsoq

- Qernertunik naatsunik nujalik

- Taartunik atukkersorsimasoq, najukkaminit ingerlalerluni aallaasilisarluni marlunnillu puussianik nassartoq

Inuit suliamut atatillugu paasissutissaateqarsinnaasut Kalaallit Nunaanni Politiinut saaffiginneqquneqarput, politiit oqarasuaataasa normoraat 70 14 48.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat