Nunatta kujataani anorlerlunilu nittaammat Tele-Postip suliaqarniarnera ajornakusoorpoq.Assi: AK Montage

Nanortalimmi nunaqarfiinilu radiomut, tv-mut, internettimut mobilinullu attaveqanngitsoq

Nanortalimmi Napparsimmaviup pinartoqartillugu 614607-imut sianertoqarsinnaasoq paasissutissiissutigaa.

Sakkortusaaviit sarfaarunnerat pissutigalugu Nanortalimmi nunaqarfiittaanilu, Tasiusami, Narsarmijini, Aappilattumi Ikerasassuarmilu tv, internet, oqarasuaatillu angallattakkat attaveerupput.

Telepostimi attaveqaatit pillugit immikkoortortami pisortaq, Kim Zinck, oqarpoq.

- Sakkortusaaviup sarfaliuutai ajoquteqarput, sakkortusaavillu batteriinnarnit sarfalersorparput. Taamaammat suli attaveqarpugut, bateereeruttussaassasorli takusinnaavarput, tamanna ullup-qeqqata eqqaani ualimulluunnit pisinnaavoq, Kim Zinck oqarpoq.

Sakkortusaavilli nalunaaqutaq 11.45 attaveeruppoq. Attavinitseqqinniarneratali suliarinissaa ajornakusoorpoq, nunattami kujataani anorlerlunilu nittaappoq.

Qulimiguulik piareersimavoq - silalu ajornartitsivoq

Tele-Postip teknikerit sila iluarsiimippat Qaqortumiit aallartinniarsarai. Silalli ajornera pissutigalugu innuttaasut qaqugu tv-mut, internettimut mobilinulluunniit attavineqqissanersut, Kim Zinckip oqaatigisinnaanngilaa.

- Piaarnerpaamik. Sila iluarsippat aallassaagut. Suliaqartussagut qulimiguulillu attartorneqartoq piareersimapput, taamaammat aallarnissatsinnut utaqqiinnarpugut, silali aporfigaarput, immikkoortortaqarfimmi pisortaq, Kim Zinck oqarpoq.

Attaveqaatit atorsinerat Nanortalimmi peqqinnissaqarfimmut aamma kinguneqarpoq, attaveeruteqqasoqarneranili oqarasuaat 61 46 07 ajornartoornermi attavigineqarsinnaasoq peqqinnissaqarfiup paasissutissiissutigaa.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat