Nanortalimmi millioneerinngortoq
Taamaalilluni ukiormanna pingajussaanik Danske Spil checkimik arfineq-marlunnik kisitsisitalimmik Nunatsinnut nassiussivoq.
Kisitsisit eqqortut arfineq-marluk arfininngormat makinneqartut, LynLottomik taaneqartartumi Nanortalimmi Brugsenimi pisisarineqarsimasumi kisimik nassaassaapput.
Nunatsinni ukiormanna lottorlutik millionærinngortut allat marluk tamarmik Nuummiuupput, taakkulu eqqugaat amerlassuseqarlutik 6,1 millionit koruunit kingullerlu 10 millionit koruuninik eqquilluni. Tassa sapaatip akunnerata naanerani Nanortalimmi eqqorneqartut amerlaqataat.
Danske Spilimit nalunaarutigineqarpoq, ukiormanna millionikkaanik eqquisut 68-iusut, taakkunanngalu tassa pingasut Nunatsinneersuupput.
Nanortalimmiu millionærinngortoq, qularnanngitsumik nuannaaqisoq pilluaqquarput.