Nanortalimmi meeqqat sumiginnagaapput

Nanortalimmi meeqqat sumiginnangaasimasut nakorsiartarfimmit ilisimaneqartut Nanortallup kommuneanit iliuuseqarfigineqarsimannginnerat pillugu Nanortalimmi nakorsat pisortaata Rune Jakobsenip, kommune politiinut tunniuppaa.

Meeqqat sumiginnakkat pillugit suliassat ukiuni ataatsimiit arfineq-marlunnut Nanortalup kommuneanit uninngatinneqarsimapput. Meeqqat sumiginnangaasimasut pillugit nakorsat pisortaat politikerinut decembarip qaammataanili saaffiginnittaraluarnini qisuariarfigineqarneq ajormata politiinut saaffiginnittariaqalersimavoq.

- Kommunep neriorsortarsimavaanga meeqqanut tunngatillugu suliat ingerlanneqalersut, meeqqallu ilaat ajorluinnartumik pineqartarsimapput. Suliat meeqqanut tunngasut kommuneamit ingerlanneqarnianngiinnarmata politiinut tunniussisariaqarsimavunga, Nanortalimmi nakorsat pisortaat Rune Jakobsen oqarpoq.

- Meeqqanut sumiginnakkanut tunngatillugu suliassat ilaat ukiunik sisamanik pisoqaassuseqarput, ilaatigut meeqqat tunuarsimaartorujussuanngornikut ilaallu meeqqat atuarfianni atuartussaagaluarlutik atuarfimmulluunniit takkunneq ajortut, Rune Jakobsen oqarpoq nangillunilu;

-Maannakkut aamma anaanaq meeqqaminik arlalinnik arsaagaareersimasoq meerartaaqqammisoq, naluaralu taassuma meerartaani nammineerluni paarisinnaaneraa, aammalu suliassami tassani kommuni iluuseqanngilaq, politikerillu pisussaaffigaa qanoq iliuuseqassallutik, Nanortalimmi nakorsat pisortaat Rune Jakobssen naggasiivoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat