Nanortalimmi kommunalbestyrelsi kattunnissamut suli akerliuvoq

Kommunit kattunnissaannik apeqqut qaqinneqarmat Nanortalimmi kommunalbestyrelsimut qinikkat qinersisartullu imminnut ungasissorujussuusut paasinarpoq.

Nanortalimmi kommunalbestyrelsimi Siumukkut ilaasortaatitaat tallimat kommunit kattunnissaannut akerliupput.

- Paatsuungavugut inuit tallimat aallaqqaataaniit kattutinnginnissamut isumaat aaliangiisoorpalummat, taama oqarpoq partiimut Siumumut ilaasortaq Johansinnguaq Olsen Nanortalimmiit.

- Kommunerput pisussaavoq innuttaasunik ilisimatitsissalluni qanoruna isummertoqassasoq, inuit qinikkat kisimik isumaat, uanga paasisinnaannginnakku sooq kisimi atussanersoq, Innuttaasuusugut isumarput aamma tusarniartariaqarpaat, Johansinnguaq Olsen oqarpoq, aperineqaramilu kattuttoqaraluarpat pitsaanerusumik sullinneqalissannginnersut, ima akivoq:

-Tassami taanna qularutissaanngilluinnarpoq aammalu kommuninut aningaasartuutit qularnanngitsumik taamaalillutik aamma annikilliariarujussuartuussaassagaluarput, ataatsimoortumik suleqatigiilernermi.

Eqqortuusorinnginnassiuk soorlu kommunalbestyrelsimi ilaasortat amerlanerussuteqartut isumaat naapertorlugu aaliangiisoqarnissaa?

-Aallaqqaataani inuit taakku isumartik atorpaat immaqa partiimilluunniit iluanni isumasiueqatigiittoqarsimanngitsoq uanga paasisinnaavara. Aamma isumasiuisoqarsimassaguni partiit iluanni, soorlu Siumut eqqarsaatigalugu, uffa taakku amerlanerussuteqarmata massakkut, inuit immaqa sisamat tallimat ataatsimiigiarnermi ilaasimassapput, innuttaasut taama amerlatigisut, innuttaasugummi 2.600 -700 missaaniippugut, taakkua tunulequtaralugit isummernerunngilaq.

Taava illit qanoq inassuteqassagaluarpit?

-Pisussaasoraara kommunerput innuttaasunik ataatsimiisitsissasoq, kommunip iluani, taavalu isumasiulluni qano´runa isummerniartugut,

Johansinnguaq Olsen Nanortalimmi Siumup immikkoortuani ilaasortaq oqarpoq.

Atassut, Demokraatit, IA, ataatsimik ikinnerussuteqarlutik Qaqortumut Narsamullu kattukkumagaluarput.

Kristine Raahauge angalammat pissarsiarinngilarput aamma Siumup immikkoortuani siulittaasoq Tage Frederiksen oqaaseqarumanngilaq Kristine Raahauge-mulli innersuussilluni.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat