Nanortalimmi innuttaasut akileraarnerusalissapput
Kommune Kujallermi aappaagu akileraarutip 45 procentiunissaa ilimanarsivoq. Nanortallip maanna kommunerisaaani inuutaasut kisimik qaffaanermik malugisaqassapput, illuanik Narsarmiut Qaqortormiullu akileraarutaat nikissanngitsut.
Allattoq Louise M. Kleemann
novembarip 14-at 2008 13:45
Ikaarsaariarnermi ataatsimiititaliami siulittaasoq Simon Simonsen oqarpoq, Kujataani sanaartornerup ingerlaannarnissaa Ikaarsaariarnermi ataatsimiititaliap kissaatigigaa aammalu akileraarutinik qaffaanissaq saneqqunneqarsinnaanngitsutut isigalugu taamatut aalajangertariaqarsimallutik.
Aningaasaqarnermut ataatsimiitsitaliami arfineq-marlunnik ilaasortaqartumi Nanortallip kommuuniani borgmesteri Kristine Raahauge, kisiartaalluni akileraarutip 45 procentiunissaanut akerliuvoq.
- Akileraarutitta qaffannissaa akerlerivara, tassami Nanortalimmiut akileraarnerusalerpata aningaasat pisissutigisinnaasat ikilerujussuassapput, Kommune Kujallermut ikaarsaariarnermi Ataatsimiisitaliami ilaasortaq Kristine Raahauge taama oqarpoq.
