Nanortalimmi atuartut imermik imerluartarput

Peqqinnerunissaq pillugu kingumut aningaasaliisoqarpoq. Inuunerittap aningaasaateqarfia 572.000 koruuninik suliniutinut assigiinngitsunut 29-nut nunarput tamakkerlugu aningaasaleeqqammerpoq. Soorlu Aasianni naartusut atugarissaarnerunissaat aningaasaliiffigineqarpoq, aamma Qaqortumi utoqqaat aallaarsimaarnissaat aningaasaliiffigineqartunut ilaalluni.

Kingullermik taama agguaassisoqarmat Nanortalimmi Atuarfik imiisivinnik pisinissaminut aningaasaliiffigineqarpoq. Meeqqat imermik imernerusalernissaat taamani eqqarsaatigineqarpoq, tassa anitsiarfimmi pisiniarfimmut sodavandisiniartarnerat annikillisarniarlugu.

Tamanna iluatsilluarsimasoq, Nanortallip Atuarfiani pisortaq, Jens Korneliussen oqarpoq.

Taanna oqarpoq, imiisiviit atorluaqigitik, aama ilinniartitsisut isersimaartarfiata silataani taamaattoqarmat. – Kaffi tiilu ullormut najooqqaloortarpavut, taamaammat imermik pitsaasumik mamartumillu imersinnaanerput iluaqaaq, Jens Korneliussen oqarpoq.

Nanortallip Atuarfia imiisivissinissaminut 65.000 koruuninik Inuunerittap Aningaasaateqarfianiit siorna tuninineqarpoq.