Nanortalimmi arnaq decembarimi toqutsisoq eqqartuunneqarpoq
Inuarneq pillugu pineqaatissiisoqaraagat nalinginnaasumik ukiuni tallimani imaluunniit arfinilinni eqqartuussivinni pineqaatissiisoqartarpoq, uanili immikkut pisoqarsimanera pissutigalugu pineqaatissiineq ukiut tallimaat avillugu sivisussusilerneqarpoq.
- Ilimanaateqarpoq arnaq angutisiaminit kinguaassiutitigut atornerlunneqartarsimassasoq, Nanortalimmi politeqarfiup pisortaa, Michael Poulsen, oqarpoq.
23-nik ukiulik politiinit tigusarineqarnermini nassuiaavoq, angutisiami ukiuni arlalinni kinguaassiutitigut atornerluttarsimammani kamaassimallutik, tamatumalu kingunerisaanik savimmik tunuatigut kapisimallugu.
Arnaq savimmik kapisisimasutut decembarip naalerneranili nassueraluartoq tigummigallagaanera politiinit sivitsorneqarpoq, inuup sananeqaataanut ilisarnaatitut takussutissanik, DNA-nik, misissugassat inerneri Danmarkimit utaqqineqarmata.
