Nanortalimmi angutit marluk pineqaatissinneqarput
Angut 27-inik ukiulik juunip naajartornerani Nanortallip illoqarfianni seqqoqattaartoq sapaatip akunnerata siuliani eqqartuussivimmut sassartinneqarpoq. Tassani ukiuni sisamani pineqaatissinneqarsimasut inissiivianniitussanngorlugu pineqaatisinneqarpoq.
Angut 27-inik ukiunik aallaasit pingasut atorlugit silaarulluni illoqarfimmi seqqoqattaarpoq. Illu ilaqutariinnit meerartalinnit najorneqartoq seqqoqattaarfigaattaaq, taamaasilluni illumiittut inuuneri navianartorsiortillugit. Seqqoqattaarneq akunnerup iluitsup affaanillu ingerlareersoq Nanortalimmi politiinit unitsinneqarpoq angullu tigusarineqarluni.
Angutip 27-inik ukiullip aallaasersunnginnermini angunni kiinaatigut kilerujussuarpaa. Angutaalu napparsimavimmut aallaasersunnginnerani qimaaffissarsivoq.
Angutip pineqaatissinneqarnini akueraa.
Angut alla aamma Nanortalimmi sapaatip akunnerata siuliani pineqaatisinneqarpoq. Angut 20-nik ukiulik aataaminik, 63-inik ukioqartumik, ullut 14-it matuma siorna toqqusassiilluni toqutseriartoq, ukiuni pingasuni pineqaatissinneqarsimasut inissiivianniittussanngorlugu pineqaatissinneqarpoq. Angutip 20-inik ukiullip pineqaatissinneqarnini akuerinagu Nunatta eqqartuussiviannut ingerlateqqippaa.
