Nanortalik Canadami ikinngutitaarpoq

oktobarip 09-at 2006 10:09

Nanortalillip borgmesteria Nanortallillu Canadami illoqarfittut ikinngutitaavata borgmesteria suleqatigiinnissamik atsioqatigiissuteqarput.

Nanortallip borgmesteria Kristine Raahauge, nunatsinnukarnermini Danmarkimut akunnittoq oqarpoq, Nanortalimmiut Canadamilu illoqarfittut ikinngutaap innuttai soorlu eqqumiitsuliortut, timersortartut, erinarsoqatigiit, atuartullu illugiillutik tikereeqatigiissinnaanngortut.

Niueqatigiinnikkut, ilinniartitaanikkut inooqatigiinnermut tunngasutigut suliniuteqarnernullu allanut atatillugu kiisalu kommunimi pilersaarusiornikkut kultureqarnikkut takornariartitsinermullu tunngasunik aamma suleqatigiittoqassasoq Kristine Raahauge oqarpoq.

Isumaqatigiissut pillugu, ualeru Nunarput Ullumimi erseqqinnerusumik paasissutissiisoqassaaq.