Nanortalik arnamik borgmestereqalissaaq

septembarip 02-at 2005 16:51

Nanortalik nutaamik borgmestereqalerpoq, borgmesterinngortorlu arnaavoq, Nanortalimmi siornagut aamma borgmesteriusimasoq, Siumumeersoq Kristina Raahauge.

Nanortalimmi kommunalbestyrelset suleqatigiit Siumut Inuit Ataqatigiillu Kristina Raahaugep qinersisoqaqqinnissaata tungaanut borgemesteriunissaa isumaqatigiissutigaat.

Peter Sonberg Nanortalimmi Siumup immikkoortuani siulittaasoq oqarpoq Inuit Ataqatigiit ukiuni tulliuttuni sisamani suleqatigiinnissamik isumaqatigiissuteqarfigineqartut.

Kristine Raahaugep borgmesterissatut isumaqatigiissutigineqarnerata saniatigut IA Siumullu suleqatigiinnissamut immikkoortunik 13-inik isumaqatigiissuteqarput. Taakku sunik imaqarnerat kingusinnerusukkut nalunaarutigineqarumaartoq Peter Sonberg oqarpoq.

Nanortalimmi komunalbestyrelse pingasunngorpat immikkut ittumik ataatsimiilerpat Kristine Raahaugep borgmesterissatut toqqarneqarnera akuersissutigineqassaaq.