Nanoq ulorianartumik alapernaasertitsivoq
Nuummi piniarnermut nakkutilliisut kaammattuuteqarput: Nanoq qanillinaversaarsiuk pisummillu qallattornianngilluinnarsiuk!
Taama saaffiginnissuteqarput angutit inuusuttut pisummik nanoq inersimasoq qallattuleraluarmassuk.
Piniarnermik nakkutilliisut umiatsiallu allat nanoq Nuup eqqaani ullaarli arfineq pingasut eqqaani malittarilerpaat. Taanna Nuuk avaqqutilaarlugu nalulluni sarsuteriarlugu Akianut ingerlaarpoq maannalu Nipisat Kangerluani qeqertami uninngalluni.
- Angutilli inuusuttut pisummik nanoq qanillattuleraluaraat unitsinneqarput, pisassanik nakkutilliisoqarfimmi pisortap tullia Niels Laursen KNR-mut oqarpoq.
Nuummi nannuttassat tamakkerneqareerput. Nanoq Nipisat Kangerluanniittoq ajornartorsiulerfimmi aatsaat toqunneqarsinnaavoq. Taamaalissappat amia neqaalu Namminersorlutik Oqartussat pissavaat.