Nanoq tusaamasaq Knut uumasuusivimmi inissaaruppoq
Aningaasarsiornikkut ajornartorsiorneq nannup inivissimagaluartulluunniit maluginngitsoorsinnaanngilaa, Knutillu Berlinimi Uumasuusivissuarmi inaa aningaasarpassuit atorlugit allisinnaanngilarput.
Knutilli inissaaleqinera kisimi ajornartorsiutaanngilaq. Uumasunik ilisimatuut isumaqarput Knut nannunut allanut aamma akuliuttariaqartoq.
- Knut inunnit allisarneqarpoq, arnaatami soqutigisimanngilaa, tamannalu kinguneqanngitsuunngilaq. - Arnavissamilluunniit aappartaaraluaruni qanoq ililluni nuliunissani immaqa ilisimanavianngilaa, uumasorsiuut ernumapput.
Berlinimi Uumasuusivissuup Knut 2010-mi inuulluaqqussavaa, ilimagineqarporlu illoqarfimmut Gelsenkirchenimi uumasuusivissuarmiilissasoq, nanoq arnaviaq pingasunik ukiulik, Lara, tassani ineqatigilissallugu.
Knutili Berlinimi ilisarnaataallualersimavoq, qimagunnissaalu innuttaasut attortissutigeqaaat, Berlinimiiginnarnissaalu anguniaraluarlugu 21.000-init amerlanerit atsiorsimagaluarput.
