Nanoq toquppaat
Danmarkimi uumasuusivissuarmi uumasut nakorsaasa pisortaat, Carsten Grøndahl Islandiliaraluarpoq, nannup ilisimajunnaartinnissaa neriuutigalugu, taamaalilluni Københavnimi uumasuusivissuarmut pisinneqarsinnaaniassammat imaluunniit nunatsinnut utertinneqarsinnaaniassammat. Taamatulli pilersaaruteqarneq taamaatiinnarneqarpoq:
- Ilisimajunnaarsaammik aallaaniarlugu qanillattoraluarparput. Qattunikkulli pangalilluni immap tungaanut aallarmat Islandimi oqartussaasut nannup nalulluni qimaanissaa ulorianarpallaassasoq nalilerpaat, Carsten Grøndahl aviisimut Politikenimut oqarpoq. Toqunneqarnissaanillu aalajangiineq isumatusaarnerusoq oqaatigalugu.
- Immamut avalakkuni sukkut nunamut qaqiniarnissaa nalugatsigu. Uumasup taama ulorianartigisup sumi tamaani angalaartinnissaa ernumanarami. Inuillu isumannaatsuunissaat pingaartinnerugatsigu, Carsten Grøndahl oqarpoq.
Nanoq nuggersimanermut pisoq aallaaneqarpoq, angutillu arfineq pingasut ulissuaq ikiorsiullugu nunaliaappaat.
Maanna nanoq misissorneqassaaq kigutaasalu misissoqqissaarnerisigut ukiui paasiniarneqassapput.
