VIDEO Nanoq takusassiaq aliasuttoq
Nanoq ”Pizza”-mik atserneqarsimasoq Kinami niuertafissuit ilaanni aliasuttoq takuneqarsinnaavoq.
Akvariami nannut pisariaqartitaanut tulluarsarneqanngitsumi niuertarfissuup qeqqani inuit saneequaffianni najugaqarpoq.
Pisiniat saneqquttut assiliseqatigisarsinnaaniassammassut tassunga inissinneqarsimavoq.
Tamannalu inuppassuarnit internertikkut malinnaasunit kamaatigineqaqisoq tv2.dk allaaserisaqarpoq.
- Niueterfissuarmi nannup inaa nannup uumaniarluni pisariaqartitaanut naapertuuttunik atugassaqartinneqanngilaq,
Uumasunik illersuisut Animals Asia oqariartuuteqarput.
Inuillu 400.000-it missaanniittut niuertarfissuup kinamiittut matuneqarnissaa kissaatigalugu maanna atsiorsimalerput.
Niurtarfiulli, Grandview, pisortaata, Li Chentangip, nanoq pilluarnerarpaa.
Tamannalu Animal Asiamit ajuusaarutigineqarpoq.
- Ajoraluartumik piviusoq tassaavoq niuertarfissuup nanoq Pizza iperarnaviakkaa, David Neale The Guardian oqarpoq.
Nanoq Pizza niuertarfissuarmi akvariami aliasuppaseqaluni innangaannalersimasoq videomi takuneqarsinnaavoq.