Nanoq qimaatinneqartoq
Nanoq angisooq Illoqqortoormiunit ippassaq qimaatinneqarpoq.
Allattoq Elisa Isaksen
Nanoq sikumit ippassaq ullaap tungaa takkuppoq nunamullu qaqilluni. Tamatuma kingorna pisiniarfiup illullu tungaanut ingerlalerluni.
- Piniarnermut nakkutilliisoq piniartullu arlallit suleqatigalugit qimaasaarlugu arlaleriarluta igiffigisarparput, taamaalimmallu illoqarfiup avataanut qimaalluni aallarpoq, politeeqarfiup pisortaa Olav Nielsen Sermitsiaq.ag-mut oqarpoq.
Nanoq inunnik ulorianartorsiortitsisimanngitsoq oqaatigineqarpoq.
- Nannumut taama angitigisumut ataqqinninnissaq illoqarfimmiut ilisimareeramikku qanillinaveersaarpaat, Olav Nielsen oqarpoq.