Nanoq imminut illersornermi pisarineqarsinnaavoq

Allatut ajornartumik imminut illersuisariaqalernermi soorunami nannuttoqarsinnaasoq Piniarnermut Aalisarnermullu pisortaqarfiup pisortaa Amalie Jessen Illoqqortoormiut borgmesteriat akillugu allappoq.

Amalie Jessen taama akissuteqartariaqarsimavoq Illoqqortoormiuni nanoq illoqarfiup iluanut qaninnguulermat nannullu pisarineqartussat tamakkerneqareermata toqunneqarnissaata nalornissutigineqalernera Illoqqortoormiuni borgmesterip Erling Madsenip nalunaarutigimmagu.

Taanna isumaqarpoq, naak nannuttassiissutit 30-t tamakkerneqareeraluartut nanoq pisarineqarsinnaasariaqartoq.

Nanorli ulorinartorsiortitsisimappat soorunami tamanna ajoqutissartaqanngitsoq Piniarnermut pisortaqarfiup nalunaarutigaa.

Erseqqissaatigineqarporli allatut ajornartumik nannuttoqartillugu nannuttoq Namminersornerullutik Oqartussanut nalunaarutigineqartussaammat.

Namminersornerullutik Oqartussat nittartagaanni www naggat nanoq naggat gl-imi atuarneqarsinnaavoq allatut ajornartumik nannunnermi maleruaqqusat qanoq innerat.

Nanoq pineqartoq Illoqqortoormiuni innuttaasut ilaasa qamuteralannik ingerlatilerlutik qimaatereermassuk.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat