Nanoq allarsuarluunnit
Canadap issittortaani tammajuitsussarniarluni aallaaniartartoq nannuttani pillugu ajornartorsiulerunarpoq.
Nanormi aallaasaa qaquissimanngilaq – qasaarnerusimalluni. Maannalu nalornissutaalerpoq issittup nanorineraa taartoq, imaluunniit allarsuaq akutaq, tusagassaqartitsivimmit CBCmit nalunaarutigineqarpoq.
Tammajuitsussarsiniarluni aallaaniaq ajornartorsiulerunarpoq, tassami issittup nanuanik pisaqarnissaminut taamaallaat akuersissummik peqarpoq. Misissuinerit paasinarsisippassuk aallaasaa allarsuusoq, akiliisitaanngikkuni parnaarussaassaaq.
Annariarfissaqarsorinarsivorli. Ilisimatuut ilaasa ilimatsaappaa aallaaniap nanoq aallaasaa tassaasoq issittup nanuata, allarsuullu kinguaavat.
Taamaassappallu taaguusernissaa amigaataaginnalissaaq; immaqa allasiornernerup inernera?
