Nanoq aliasuttoq Københavnimit Jyllandimut nuunniaraat
Københavnip uumasuusivissuani nanoq kiserliortoq Ivan Jyllandip kangiani uumasuusivimmut Skandinavisk Dyreparkimut januaarip ingerlanerani nuunneqassaaq. TV2 Østjylland nittartakkamini taama allaaserisaqarpoq.
Allattoq Anton Gundersen Lihn
Nutserisoq Simon Uldum -
Nannup angutivissap Ivan arnavissanit soqutigineqannginnini nikallungassutigaa. Nannumulli misigisarliortumut nuannersumik nutaarsiassaqarpoq. Uumasuusivimmummi Skandinavisk Dyreparkimut qanittukkut nuunneqartussaavoq.
- Københavnimiinnini nuannarinngilaa. Siornatigut maaneereernikuuvoq assullu nuannaralugu. Taamaammat maaniinnini iluarissagaa qularnanngilaq, Skandinavisk Dyreparkimi pisortaq, Frank Vigh-Larsen, tv2oj.dk-mut taama oqarpoq.
Nannup angutivissap aamma nannup arnavissap sisamanik ukiullip Nunop 2017-ip ingerlanerani kinguaassiorsinnaanngortussap nuliunissaat pilersaarutaavoq.