Nanook Riddu Riddumut
Tamanna pissaaq aasaru juulip 21-annit 25-annut Norgimi 19-issaannik aaqqissuussisoqalerpat.
- Riddu Riddumit attavigineqarnerput nuannaarutigeqaarput. Taamaalillunimi Nanook periarfissinneqassammat Kalaallit kulturiannik nipilersorfimmi takutitsinissaminut, inuiaallu allat kulturiminnik takutitseriaasiannik pissarsissalluni, Frederik Elsner, Nanookimi erinarsortoq guitarertuusorlu Sermitsiaq.ag-mi taama issuarneqarpoq.
Riddu Riddu Saamit kulturiminnut atatillugu naapisimaartitsisarnerattut aallartinneqarpoq, ullutsinnili Norgimi nipilersornermik aaqqissuussisarnerit annerpaat ilagilersimallugit. Siornatigut Rasmus Lyberth aamma nipilersoqatigiit Qasigiannguaneersut Mariinakkut nuannarineqaqalutik Riddu Riddumi appisimaartareerput, aaqqissuussineq Norgip avannaani Tromsøp eqqaani pisussaavoq.