Nanook Danmarkimi

Nipilersoqatigiit Nanook Qaqortup timersortarfiani marsip aappaani tusarnaartitsissapput, Hotel Qaqortoq aaqqissuisoralugu.

Taannalu pereerpat Danmarkimi sumiiffiit assigiinngitsut pingasut tikissavaat. Kalaallit Qallunaat Nunaanniittut periarfissaqassapput tusarnaariarnissaminnut. Tassani Nordatlantens Brygge kiisalu Kalaallit illuutaat aaqqissuisuullutik.

Københavnimi Nordatlantens Bryggemi martsip qulingiluaani appissapput. Aqaguanilu marsip 10-ani Aalborgimi sakkortusaasernagu appisimaassapput Kalaallit illuutaat aaqqissuisoralugu. Tassanngaanniit Odensemut ingerlaqqissapput. Aamma Kalaallit illuutaat aaqqissuisoralugu marsip 11-ani sakkortusaasernagu aamma appisimaassapput.

Nanookkut angalanissaq qilanaaralugulu nuannaarutigaat.

- Nuannertuaannarpoq aggersarneqarluni, tamatumuuna Danmarkimi Københavnimiinnaanngitsoq aammali Aalborgimi Odensemilu appissaagut. Nipilersoqatigiilluta naapinnissatsinnut qilanaaqaagut, Frederik Elsner KNR.gl-mut oqarpoq.

Nipilersoqatigiit Nanook ukuupput:
Christian K. Elsner, Guitarertoq, erinarsortoq.
Frederik K. Elsner, Guitarertoq, erinarsortoq.
Hans Rosenberg,  Tumerparpaartoq, anaalerisoq.
Andreas Otte, Qatitoortoq, tulleertoq.
Mads Røn, Pattattoq.