Nannuttassat amerlineqarnissaat kissaatigivaat
Nannut inuit najugaqarfigisaannut qanillisartut akulikilligaluttuinnarmata, nannuttassat amerlineqarnissaat KNAPK-p piumasaraa.
Allattoq Mads Lynge
KNAPK-mi pisortaq John Biilmann ima oqarpoq:
- Nannuttassiissutigineqartut saniatigut nannut inuit najugaqarfigisaasa eqqaanniittut piniartunit pisarineqarsinnaasariaqarput. Nannut qanoq ulorianartigisut naluneqanngilaq, nannullu ikiliartunngitsut piniartut oqariartuutigivaat. Silap pissusaata allanngoriartornerata kingunerisaanik nannut ikiliartortut biologit oqariartuutigivaat, ersarissumilli takussutissaqartinnagu, KNAPK-p pisortaa John Biilmann oqarpoq. Nannut 135-t ukioq manna pisassiissutigineqarput, aappaagulu 130-ullutik.