Nannutani angerlaassinnaanngorpaa
Amerikamiu tammajuitsussarniarluni aallaaniartartup ukioq manna apriilimi nannumik allarsuarmik akutamik Canadap issittortaani pisaqarpoq, tammajuitsussarsianilu USA-mi naalagaaffeeqami Idaho-mi angerlarsimaffimminukaassinnaanngorpaa.
Issittup nanorineraa taartoq, imaluunniit allarsuaanersoq akutaq nalornissutigineqaraluarpoq. Nannulli DNA-vanik misissuinikkut paasineqarpoq nanoq tassaasoq issittup nanuata allarsuullu kinguaavat.
Nanoq pisarineqartoq qaqutigoortuuvoq, illoqarfiullu Edmontonip avannamut 2000 kilometerinik ungasitsigisumi Banks Islandimi aallaaneqarluni.
Aanaveersaasup Yellowknife-imeersup nanoq maanna kiversimalereerpaa.
Nanoq apriilimi allarsuarmik akutamik taavarput, massakkulli issittup allarsuanik taasinnaalerunarlutigu.