Nannut ulorianartorsiortutut USA-mit naatsorsuutigineqalerput
Nunarsuarmi silap kiatsikkiarnerata kinguneranik issittup nanuata siullersaalluni ulorianartorsiortututut naatsorsuutigineqarnissaa
amerikami nunami pissutsinut ministereqarfimmi sulissutigineqarpoq.
Nannut ulorinartorsiortutut naatsorsuutigineqalernisaat naggueqatitta Inuit Canada-miittut akerlerisimavaat, taakanimi tammajuitsussarsiniarluni piniartitsisarnermi aningaasatigut isertitsissutigineqartarmata.
Sikuitsumilu kujallermi, nunarsuarmi silap kiatsikkiartornera ilutigalugu, siku aakkiartorpoq taamaalillunilu nannut sungiusimasaminnit kiannermi uumasuulerlutik, ilisimatuut misissuinerminni tamanna paasivaat.
Nunarsuarmi sila kiatsikkiartuinnassappat nannut pingasorarterutaat nungutaassasut ilisimatuut eqqoriarpaat.