Avannaarsuani katillugit 25.000 missaanni nanoqartoq, taakkunanngalu 2000-it missaat Alaskami uuliasiorfissuit eqqaanni najugaqartuusut
ilisimatuunit oqaatigineqartarpoq.
USA-mi naalakkersuisut 1960-kkunni aalajangersaapput issittumi uuliasiorluni qillerissagaanni nanoqarfiit miilimik ataatsimik qimallugit pinngitsoorani qillerisoqartassasoq.
Aalajangersagaq tamanna nannunut qanoq iluaqutaaginersoq suli uppernarsineqarnikuunngimmat nannut uuliarsiorfissuarni aatsissarsiorfinnilu issittumiittuni nipiliornernit ilumut akornusersugaasarnersut
USA-mi naalagaaffimmi San Diegomi uumasuusivissuarmiut uppernarsiniarnialerpaat.
Misissuinermi nannut marluk misilittaatigineqartussat nipinik assigiinngitsunik 1000-inik ulluni pingasuni tusarnaartinneqassapput, tusaasaminnit qanoq sunnerneqartarnersut paasiniarneqassaaq.