Nannut toqunartulerujussuupput

Kalaallit Savalimmiormiullu ilisimatuuvisa nannunik misissuineri kingulliit naapertorlugit, nannut issittuni uummasunut allanut sanilliullutik toqunartoqarnerpaajupput.

Nannut nerisatik aqqutigalugit arrortikkuminaatsunik toqunartoqalertarsimapput. Kalaallit Nunaata Savalimmiullu imaani timmissat, aalisakkat imarmiullu miluumasut nannup nerisarilluagai toqunartoqarnerat pissutigalugu.

Taama misissuinerit Danmark-imi Avatangiisinut Aqutsisoqarfiup aningaasaliiffigisimavai

Timmisat, puisit arferit nannullu misissuiffigineqarsimapput. Misissuinermi toqunartoq timimi arrortikkuminaatsoq PerFlourOctan Sulfat, aallaviusimavoq. Taanna timimut akuliukkaangat tinguk iloqutillu allat toqunartoqalersinneqartarput.

Suli paasineqanngilaq toqunartoq taanna qanoq ililluni issitumiilersimanersoq.

-Issittumi uumasut toqunartumik tassuminnga mingutsinneqarsimassappata taava arlaanni ajorluinnartoqarsimassaaq, Anne Marie Bjerg pinngortitaq pillugu nunarsuaq tamakkerlugu aningaasaateqarfimmi suleqataasoq oqarpoq.

Taama nalunaaruteqartoqaraluarmat politikerinaasiit qisuariarnissaminnut nangaasutut ipput. Taamaallaat Canada inassuteqarpoq, toqunartumik taassuminnga atuisarneq ineqqutaalissasoq aamma nunarsuaq tamakkerlugu toqunartup tassuma ineteqqutigilernissaanik Sverige-p EU–mut inassutaa suli naammassiniarneqanngilaq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat