Nannut tunumut pisassiissutigineqartartut ikiliartornissaanut tunngavissaqanngilaq, taama KNAPK-ip siulittaasua Peter Olsen oqarpoq.
Naalakkersuisut ullumi 2007-mi nannut 139-it pisassiisutigalugit nalunaaruteqarput, tassungalu atatillugu KNAPK-imit tunup immikkut pisassinneqartarnissaa ujartorneqarpoq,
tunumi nanoqassuseq ukiuni kingullerni misissuiffigineqarsimannginera, Peter Olsen-imit tunngavilersuutigineqarpoq.
- Nannut pisassiissutigineqartut 139-usut kitaanuinnaq pisassiissutigineqarnissaat piumasarigaluarparput, tunumilu ukiuni kingullerni pisarineqartartut attatiinnarlugit, tassami tunumi nanoqassutip misissorneqarnikuunngilaq, Peter Olsen oqarpoq.
Aalisarnermut pisortaqarfik nannut pisassiissutigineqartussat pillugit siunnersuutip tusarniaaneranut atatillugu KNAPK akissuteqarpoq.
- massakkut naliginnaaleraluttuinnarpoq, tusarniaagunik akissutigut pisassiinerminni tunngavilersuutitut atortanngikkaat, tusarniaannginnermilu isummernertik attatiinnartaraat, tamanna takornartaajunnaarpoq
tamannalu piniakkanut pisassiissutigineqartartunut tamanut atuuppoq, naammaleqaaq Peter Olsen oqarpoq.
Nannut pisassiissutigineqartartut ikiliartortinneqarnissaat KNAPK-imit aamma isumaqatigineqanngilaq.