Nannut pillugit suleqatigiissitaq Islandimi pilersippaat
Suleqatigiissitap paasiniartussaavaa, nannut marluk Islandimut pisut susimanersut. Nannut Island-ip sineriaanut pisut uumatillugit qanoq “pisarineqarsinnaanersut” suleqatigiissittap piareersartussaavaa.
Nannut uumatillugit tigusarineqarnissaanut Islandimi maannakkut atortoqanngilaq, tamannalu ajornartorsiutaavoq. Ungalusaliamik, taamatullu aallaammik, ilisimajunnaartitsisinnaasumik pisinissaq Islandimi pisortat eqqarsaatigilersimavat.
Islandimi sinerissami nakkutilliisut, qulimiguullit atorlugit nannunik Islandip avannaata kitaata tungaanut ingerlaartoqarnersoq alapernaarsorpaat.
Maanakkunngooq nannunik Islandip tungaanut ingerlaartoqanngilaq.