Nunat nanoqarfiusut USA-mi ataatsimeeqqammerput. Nannut pillugit kingullermik ataatsimiittoqarmat 1981-imi pivoq.
Nannut pillugit paasissutissanik paarlaasseqatigiinnissaq pillugu USA-p qaaqqusineratigut ataatsimiittoqarpoq, ataatsimeeqataasullu tassaapput:
USA, Canada, Kalaallit Nunaat, Norge kiisalu Rusland.
Aalisarnermut piniarnermullu pisortaqarfimmi pisortaq Amalie Jessen nunatsinnit ataatsimiigiaqataasimavoq.
- Nannut pillugit isumaqatigiissummik 1973-imi atsioqataasimasut peqataapput, Danmark taamani nunarput sinnerlugu atsiorsimavoq maannalu uagut nammineq ilaavugut. Amalie Jessen oqarpoq.
Paasissutissanik suliniutinillu paarlaasseqatigiinnermik ataatsimiinneq imaqarpoq.
- Ataatsimiinnerli qilersuinertalimmik aalajangersaaffiunngilaq. Amalie Jessen erseqqissaavoq.