Nannut Nuummut qanilliartorput

Nanoq piaraalu Nuup Qeqertarsuatsiaallu akornanni sapaatip akunnerata naanerani naammattoorneqarput suli avannamut ingerlaartut. Imaassinnaavoq ullut arlaqanngitsut qaangiuppata Nuup eqqaanut pisut. Kisianni nersutit taakku ulorianartorujussuusut piniarnermik nakkutillisut oqaatigaat.

- Nalunarluinnarpoq nanoq piaqqisartoq qaninngoorneqarnermini qisuariarumaarnersoq. Taamaammat nannut qanillinaversaaqqissaarneqartariaqarput.

Mianersoqqusisoq tassaavoq aalisarnermut nakkulliisut ittuat Mads Nedergaard piniarnermut nakkutilliisunut aamma akisussaasoq.

Piniarnermik nakkutilliisut sapaatip akunnera kingulleq Qeqertarsuatsiaaliarput nannut nunaqarfik qanillivallaalermassuk ungooriartorlugit.

- Qoorortuumik eqqartut kalerrisaarutinillu ikumatitsisut nannut ersiginngivippaat. Taamaammat inuit kaammattorumavagut nannut Nuup eqqaanut pissagaluarpat qanillinaversaaqullugit, Mads Nedergaard taama oqarpoq.

Nannullu inoqarfinnut qanillissagaluarpata qiningasaarnialissappatalu politiit piniarnermillu nakkutilliisut kalerrinneqassapput taakku ungoorinissaq isumagissammassuk.

Sunngiffimmi angalasut piniartullu nannut sapaatip akunnerata naanerani Nuup Qeqertarsuatsiaallu akornanni Kangerluarsussuarmi naammattoorpaat kingullermillu takuneqaramik avannamut ingerlaarput.

- Imaassinnaavoq ullut arlaqanngitsut qaangiuppata Nuup eqqaanut pisut, Mads Nedergaard oqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat