Nannut nunguvinnissaat aarleqqutigineqalerpoq

Nunarsuarmi silap kiatsikkiartornera pissutigalugu Issittumi nannut nunguvinnissaat aarleqqutigineqalerpoq. Nannut 20 – 25.000-t missaannittut pingajorarterutaat ukiut 50-it missaat qaangiuppata nungussimassangatinneqarput. US Geologigal Survey-ip misissuisitsinerani taama naliliisoqarpoq.
marsip 14-at 2009 14:07

Nannut navianartorsiornerat pillugu Kalaallit Nunaanni issittumilu nunani allani paasisimasaqarluartut Norgimi illoqarfimmi Tromsømi sapaatip akunnerata tulliani ataatsimiissapput.

Nannut illersorneqarnissaat pillugu nunarsuaq tamakkerlugu 1973-imi isumaqatigiissuteqartoqarmalli aallartitat maanna aatsaat oqallisissapput, nannut qanoq illersorneqarnerunissaat eqqartussallugu.

Issittumi nannut piniarneqartarnerat taamani kisimi ernummatigineqarpoq.

Silalli pissusaata allanngoriartornera maanna ernumatitsineruvoq, pinngortitaq pillugu nunarsuaq tamakkerlugu suliniaqatigiiffik, WWF, taama ilisimatitsivoq.

Suliniaqatigiiffillu naapertorlugu, gassinik silaannarmik kissakkiartortitsisartunik aniatitsineq maannangaaq annikillisittariaqarpoq, taamaaliorutta sikup aakkiartornera nannullu ikiliartupiloornissaat pinngitsoornerussagatsigu.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq