Kommunefogdep politiit aamma aalisarnermut, piniarnermut nunalerinermullu naalakkersuisoqarfik isumasioqatigalugit nannut pingajoqqat aallaaneqarnissaat aalajangerpaat.Assi: Birthe B. Rosing

Nannut neqaat nunaqarfimmiut pissagaat –aqajarui, kukii niaquisalu saarngi ilisimatuut pissavaat

Nannut pingajoqqat Qeqertarsuatsiaani tallimanngornermi ullaakkut aallaaneqarput. Neqai nunaqarfimmiunut agguaanneqassapput.

Nannut pingajoqqat nunaqarfimmi, Qeqertarsuatsiaani ataasinngornermi ullaakkulli takkuttalerput. Nannut qoorortuumik qasseeriarlugit qunusinneqaraluarput, uteqqeqattaaginnarlutilli – nannut tamarmik tallimanngornermi ullaakkut aallaaneqarput.

Kommunefogdep politiit aamma aalisarnermut, piniarnermut nunalerinermullu naalakkersuisoqarfik isumasioqatigalugit nannut pingajoqqat aallaaneqarnissaat aalajangerpaat.

AAMMA ATUARUK Qeqertarsuatsiaat: Isbjørnene er dræbt

Naalakkersuisoqarfiummi ”nannut ajornartorsiutaasutut” nalilerpai. Taamaammat nannut aallaaneqarsinnaanissaannut immikkut akuersissuteqartoqarpoq.

Nannut pingajoqqat tassaapput arnaasoq piaraalu marluk. Nannut piaqqat anaanartik pisariaqartimmassuk taakku tunngaviusumik ukioq naallugu eqqissisimatitaasussaagaluarput,

Nannut ajornartorsiutaasut nunaqarfimmut angalaalersut

Nannut tallimanngornerup unnuaani nunaqarfimmut angullutik innuttaasut illuisa silataanni aalisakkanik panertitanik Kalaaliaqqamiillu tuttumik nerisimapput.

Nunaqarfimmiut nannut qunuseriaraluarpaat, tamatumuunali iluatsinngitsumik.

Nannut nunaqarfiup qanittuani qasuersaarput – qatserisartut ATV-anit, biiliinit siggartaatit aallaasimillu seqqornerit allaat qunussutiginngilaat. Anaanaasoq siullertut aallaaneqariarluni piaraq ataaseq aallaaneqarpoq. Piaqqallu aappaa kingornatigut aamma aallaaneqarluni.

AAMMA ATUARUK Qeqertarsuatsiaat føler sig utrygge ved isbjørnene: Hvad nu hvis de vender tilbage

- Naalakkersuisoqarfiup qujaffiginiarpai kommunefoged aamma piniartoq kiisalu nunaqarfimmi innuttaasut paasinnillutik naammagittarlutillu pimmata nannut qimaatinniarsarineqarnerini, naalakkersuisoqarfik tusagassiuutinut nalunaarummi allappoq.

Nunaqarfimmi, Qeqertarsuatsiaani najugaqartut nannut neqaat pissaavaat. Aqajarui, amia kukitalerlugu niaquisalu saarngi kigutaalu nuummut Pinngortitaleriffimmit misissorneqartussanngorlugit nassiunneqassapput.

Naalakkersuisoqarfiup pisup nalaani erseqqissaatigiuaannarsimavaa inuup inuunera pingaarnerusoq qaasuttunik inoqarfiup eqqaaniittoqartillugu. Inatsisit malitassallu tamarmik nunaqarfimmiunit malinneqarsimapput, naalakkersuisoqarfik paasissutissiivoq.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat