ASSIT Nannut kiattumut nuunneqarnikut sikunik takusut
Ukioq manna Roskilde Festival sapaatiummat naammassivoq.
Nuannannerli ippassaq Københavnip uumasunut katersugaasivissuani nannunut ingerlaqqippoq.
Tassanimi nannut sikunik et ton-itut oqimaatsigisunik Roskilde Festivalip imerniartarfiisa ilaanniit sinnerussimasunik pajunneqarput.
Sikuusivimmi sikut sinneruttut nuannaffimmi aatsiinnarnagit, tamarmik Uumasuusivissuup Issittumeersunut immikkoortortaanut ingerlatinneqarput tassanilu uumasunik paarsisut ikiortigalugit nannut marluk tassaniittut nuannersumik uissuummisinneqarput.
Nannunut kiammiusunut taamaaliorneq nuannaarutaaqaaq.
Sivitsorianngitsorlu nannut sikuni nillorsilereerput.
Uumasuusivissuaq nittartakkamini nalunaarpoq naliginnaasumik nannut ukiumut marloriaannarlutik sikunik pajunneqartartut, danskimmi silaata qaqutiguinnaq taamaaliortissinnaasarmagit.
