Nannut ipisartut amerlapput
Silaannaap kiatsikkiartornera pissutaalluni sikup aakkiartornera, nannunik ipisitsisalersimanera ilisimatuunit uppernarsineqarpoq. Tuluit aviisiat Sunday times taama allappoq.
Alaskami misissuinerit kingullit ilaanni, qaammatip ataatsip ingerlanerani, nannut sisamat ipisimasut nassaarineqarput. Taamaattoqartarneralu akulikilliartortoq ilisimatuunit oqaatigineqarpoq.
Ilisimatuut tupaallaatigaat, naannut nerisassarsiornerminni ilaatigut 100 kilomiiterit angullugit imaani ammaannartumi naluttariaqartarsimaneri.
Nannut taamarsuaq naluttariaqartarput, imaani puttaat qaqiffissaat aattalersimammata akuttunerulerlutillu.
Nannut nalullaqqissuugaluarput, naliginnaaneruvorli sineriak sinerlugu angalasarneri.
Imaani ammaannartumi puttaaqarpianngitsumilu nannut nalutsillutik qasunermik timaasaluunniit nillertinneranik kinguneqartumik ipisarput.
