Nannut illersorneqarnissaat isumaqatigiissutigaat
Nannut, canadami Nunavup Kalaallit Nunaatalu akornanni angalaartartut, illersornissaat Kalaallit Nunaata, Canadap Nunavullu isumaqatigiissutigaat,
Tamatumani iliuusissanik arlalinnik isumaqatigiissut nunatta aalisarnermut, piniarnermullu naalakkersuisuanit Ane Hansenimit, Canadap avatangiisinut ministerianit Jim Prenticemit Nunavummilu avatangiisinut ministerimit Daniel Shewchukimit atsioqatigiissutigineqarpoq.
Isumaqatigiissutip kingunerisaanik ataatsimut ataatsimiititaliamik pilersitsisoqassaaq, nannullu ukiumut pisarineqarsinnaasut amerlanerpaaffissaannik inassuteqaateqassaaq. Aamma nannut pisarineqartut agguarneqarnissaannut malittarisassaqassaaq.
Naggueqatigiit Inuit nannunniarnerup inerteqqutaalernerani, 1973-imi eqqunneqartumi, peqataatinneqanngillat. Peqataatinneqannginnerannut pissutaavoq issittumi innuttaasut itsarsuarniilli ileqqutoqaat.
Ilisimatuulli isumaqarput nannut amerlassusaat illersorniarlugu pisassiisalernissaq pisariaqartoq.