Nannut ilaat vaskebjørneq juullerpaluttunik niuerfissuarmi aalakoortoq
Kikkulluunniilli aamma ilisimaatsortaqarput. Tyskit aviisiata Bildip videomik immiussaq takusassiaralugu nittartakkaminut ikkuppaa, nannullu ilaat vaskebjørneq Erfurtimi juullerpaluttunik niuerfissuarmi aalakoortoq immiussami tassani takuneqarsinnaavoq.
Vaskebjørneq eqqaavimmut malunnaarsaartoq arnallu kamippaanut narajortoq immiussami takuneqarsinnaasoq, tyskit nutaarsiassaqartitsiviat dpa allaaserisaqarpoq.
Vaskebjørnerlu kingornagut naalluppoq.
Uumasut napparsimmavianni silattorserlugu sinitsitaasoq
Vaskebjørneq aalakoortoq takuneqarsinnaalluartoq, politiit ilaat oqarpoq. Vaskebjørneq eqqaaviit eqqaanneersunik kinnganernik imigassartorpallaalaarsimasoq, politiit nakkutiginnittuisa misissuinerminni paasisimallugu oqaatigaat.
Qatserisartut Erfurtip eqqaaniittumut uumasut napparsimmavialiaappaat. Tassani silattorserlugu sinitsitaavoq.