Nannut ikiliartornerat pillugu misissuineq sivitsorneqarpoq

Nannut nungukkiartornerannut misissuinermi inerniliinissaq aqagumut pingasunngornermut killeqartinneqaraluartoq killerititaq qaammammik ataatsimik kinguartinneqarpoq.

USA aatsaat siullermeerluni silaannaap allanngoriartorneranik peqquteqartumik nunami uumassusilinnik nungukkiartortoqarneranik aalajangiisussaavoq.

Issittup nanui puisinniarnerminni sikumik pinngitsuuisinnaanngillat.

Sikuerukkaluarpallu nannut allatut ajornartumik nunami piniarniartariaqassapput nannullu immami piniartaramik nunami piniarneq pikkoriffigisarinngilaat.

Sikup aakkiartornera ilutigalugu, nannut nunamut tiffaraluttuinnassasut oqaatigineqarpoq.

Qanittukkullu nannut pillugit TV-kkut aallakaatitassiaq aallakaatinneqarpoq taannalu assut eqqarsalersitsisimammat, USA piaarnerusumik aalajangiisariaqartoq avatangiisit pillugit susassaqartunit kaammattuutigineqarpoq