Nannut amii Nunavummeersut 30-t 40-llu akornanniittut siorna tunineqarsimapput, ukioq mannali tassa pisiariumaneqarsimanatik.Assi: U.S. Fish and Wildlife Service Northeast Region/flickr

Nannut amii 300-t missaat utertinneqartariaqartut

Nannut amii 300-t missaat akitsorteruffimmi tunineqarsinnaasimanngimmata Nunavummut utertinneqaannartariaqartut, nutaarsiassaqartitsivik Nunatsuaq News allappoq.

Nannut amii Nunavummeersut, Canadami Ontariomi illoqarfimmi North Bayimi akitsorteruffimmi tuniniarneqarnissaannut toqqortaatigineqarsimasut 300-t missaat, Nunavummut maanna utertinneqaannartariaqarput. Nannummi amii taakku tunineqarsinnaasimanngitsut, Nunatsiaq News allappoq.

Nannut amii North Bayimi akitsorteruffik Fur Harvesters Auction aqqutigalugu Nunavummi naalakkersuisunit tuniniarneqaraluarput.

Nannut amii piumaneqaratillu isertitsissutaavallaarnavianngitsut, Nunavummi naalakkersuisut siulittaasuat avatangiisinut aamma naalakkersuisuusoq, Joe Savikataaq, oqarpoq.

AAMMA ATUARUK Nannunnianut tapiineq: Namminersorlutik Oqartussat aningaasartuutinut tapiissuteqartalerusuttut

Nunavummi naalakkersuisut nannut amii piniartunit pisiarigamikkit 3000 dollarinik, tassa 14.700 koruunit missaannik akiliipput.

Nannulli amii mikivallaartutut, kusanarpallaanngitsutut akiminnullu naleqqutinngitsutut Fur Harvesters Auctionimit nalilerneqarput. Fur Harvesters Auction sinnerlugu naliliisartoq Ed Ferguson taama oqarpoq.

Nannut amii Nunavummeersut 30-t 40-llu akornanniittut siorna tunineqarsimapput, ukioq mannali tassa pisiariumaneqarsimanatik.

Nannut amii Nunavummut utertinneqartut piniartunit taava pisiareqqinneqarsinnaassapput, pisiarineqanngitsullu suliniaqatigiiffinnut assigiinngitsunut tunissutigineqassallutik.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat