Nannut amerliartoratik ikiliartornerarpai

- Paasissutissat imminnut aassortuuttut marluk pigaavut. Kitaata sineriaata avannarpasissuaniittut pillugit biologinit paasissutissat oqartut nannut ikiliartuinnartut, piniartullu akerlianik oqartut, Erik Born oqarpoq, nangipporlu:

- Inuit Canadameersut assingusumik oqariartuuteqarput, silallu allanngoriartuinnarnerata kingunerisaanik nannut ikiliartortut ilaatigut oqaatigineqarluni. Uagut paasisavut naapertorlugit takusinnaavarput avataa sikuniarumaataarniarnerusalersimasoq. Tamanna pissutigalugu nannut nunamut qanillinerusalerput. Taamaammat amerlisimasutut isikkoqarsinnaapput, naak pissutsit piviusut allaanerugaluartut, Erik Born radioaviisimut oqarpoq.

Piujuaannartitsinissaq pillugu nannunniartoqassappat, nannut ukiumut 100-t missaat pisarineqarsinnaassasut taassuma aamma oqaatigaa. Tassa nannut Baffinip Kangerliumarngaaniittut, Davis Strædemiittut, Umimmaallu Nunaata nunattalu akornanni ikerasammiittut matumani pineqarput.

Kisitsinerit kingulliit 1990-ikkunni ingerlanneqarput, nannullu tamatuma nalaaniittut 2100-t missaanniittut ilimagineqarluni.

Dansk Polar Center, Danmarkimilu avatangiisinut ministereqarfik nannunik kisitsissamaarput, 2011-mi kisitsisoqarnissaa siunniunneqarmat, Erik Born oqarpoq.