Assi: Frank Rønsholt/København Zoo

Nannut 230 -it arfivittuuttut

Arfivik qeqertamut sibiarip avannaaniittumut Wrangelip sissaanut tippussaasimasoq uumasorpassuarnit ornigarneqarpoq nerineqarlunilu. Qeqertap taassuma sissaaanut nannut 230-t missaannik amerlatigisut nerersuataarput. Nutaarsiassaqartitsivik The Siberian Times nittartakkamini taama allaaserisaqarpoq.

Allaaserisap ataani nanorpassuit qeqertami Wrangel Islandimiittut takuneqarsinnaapput

Umiarsuarmi takornarianik angallasisartumi ilaasut immikkut illuinnartumik misigisaqartitaapput, qeqertaq sibiriap avannamut kangiata Tjuktjerillu imartaata akornanniittoq Wrangel avaqqummasuk.

Sissap uianertaani uumasut qaqortumik qalipaatillit siullermik savaanasorineqarput, kisiannili qanilillugu paasinarsivoq nanorpassuit sissami katersuussimasut. 

Nanorpassuit taakkua arfivik sissamut tippussaasimasoq  nerrippaat. 

Nittartakkami allaaserineqartoq naapertorlugu nanorpassuit sissamiittut angutivissat arnavissallu kisermaajupput aammali arnavissanik piaralinnik ilaqarput.

Qeqertami eqqississimataaffiusumi nakkutilliisut arlaqartut takusartik immikkut illuinnartoq isiginnaarsinnaasimavaat.

Taakkualu isumaqarput nannut 230-it missaannik amerlatigisut arfivimmik tippussaasimasumik nerisut takusimallugit.

 

These pictures perhaps shows 1% of all the polar bears left on the planet! Nature reserve rangers on Wrangel island...

Opslået af The Siberian Times på 29. september 2017

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat