nannup niaquata saarnga misissorniarpaat
Nannup niaquata saarnga, Skotlandip qatsissortaata ilaani, Inchnadamphimi, nassaarineqarsimasoq, pineqarpoq. Taanna ukiunik 18.000-inik pisoqaassuseqassangatinneqarpoq – taamanikkut Tuluit Nunaata annersaa sermimit qalleqqagallarmat.
Nannup saarngi 1927-mili nassaarineqaraluarput, nannulli qanoq pisoqaatiginera ilisimatuut aatsaat maanna paasivaat. Tuluit Nunaanni aviisimi, The Independentimi, taama allaaserinnittoqarpoq.
Trinity College-mi Dublinimiittumi ilisimatuut neriuutigaat nannut sananeqaataanni ilisarnaatitut takussutissat paasisaqarfigisinnaassallugit. Paasiniarneqartunut ilaassaaq nannunut Kalaallit Nunaanneersunut assingunersoq. Nannummi taamanikkut uumasuusut uumasunik nunamiutanik, soorlu tuttunik, imaluunniit puisinik nerisaqartarsimanersut ilisimatuut ilisimanngilaat. Paaserusutaannut ilaagujoq, allarsuit nannunut siusinnerusukkut nuliusarsimanersut.
