Nannunut aarrinullu pisassiissutaagallartut
Pisassiissutaagallartut 2009-mi pisassiissutinut assingupput.
Tassa assersuutigalugu Upernavimmi nunaqarfiinilu 43-nik, Tunumilu 50-inik nannuttassiisoqarpoq.
Soorluttaaq aarrit 70-it Qaanaami aamma Sisimiuni 23-t pisassiissutigineqarput.
Naalakkersuisoqarfimmit erseqqissarneqarpoq, tusarniaanerit maanna ingerlanneqartut, ilisimatusarnikkullu siunnersuineq naammasseriarpata, pisassiissutinik allannguisoqarsinnaassasoq.
Tamatuma saniatigut Piniarnermut Aqutsisoqarfimmit ilisimatitsissutigineqarpoq, inuussutissarsiutigalugu piniartut, Sisimiut Maniitsullu aqutsisoqarfiiniittut, februaarip aallaqqaataanniit umimmanniarsinnaalissasut.